Siyasî

NY: Rêjîma Sûriyê gaza Klorê bikar aniye

Piştî lêkolîneke NY derbarê bikaranîna rêjîma Sûriyê ji çekê kîmawî re, Amerîka dibêje ewê berpirsên Sûriyê bi awayên dîplomasî ceza bike.

Kurdistan24 Hewlêr 2016/08/25 06:02

sûriyê NY Amerîka Gaza Klor Çekên Kîmawî Lêkolîn Idlib

K24 – Navenda Nûçeyan

Piştî lêkolîneke NY derbarê bikaranîna rêjîma Sûriyê ji çekê kîmawî re, Amerîka dibêje ewê berpirsên Sûriyê bi awayên dîplomasî ceza bike.

Berdevkê Encûmena Asayişa Netewî ya Ameîka Need Prices di daxuyaniyekê de ragihand, Amerîka nikare înkar bike ku rêjîma Sûriyê çendîn caran gaza Klorê li dijî welatiyên xwe bikar aniye.

Prices got: “Amerîka dê bi hevparên xwe yên navdewletî re hewl bide, ku bi riyên dîplomasî re berpirsên Sûrî ceza bike. Herwiha em daxwaz ji hemû welatên ku li ser peymana qedexekirina bikaranîna çekên kîmawî îmze kirine, ji nava wan Rûsya û Îranê jî dikin, ku beşdar bin di vê yekê de.”

Lêkolîneke hevbeş ya NY û Rêxistina Navdewletî ya Qedexekirina Çekên Kîmawî aşkere kir ku, hêzên rêjîma Sûriyê du êrîşên bi gaza Klorê kirine.

Li gor lêkolîna hevbeş, ku helîkopterên rêjîma Sûriyê di 21 Nîsana 2014an de bajarokê Til Nimis û di 16 Adara 2015an de bajaroka Sermîn yên li parêzgeha Idlibê bombebaran kirine.