Partiya Aştî ya Demokratîk kongreya xwe lidar dixe

K24 – Amûde

Li jêr dirûşma “ber bi avakirna civakeke hezker û azad li ser bingeha netewa demokratîk, herwiha ji bo avakirina Sûriyayeke federal û piralî” Partiya Aştî ya Demokratîk kongreya xwe ya giştî ya yekemîn îro li bajarê Amûdê lidar xist.

Sikretêrê Partiya Aştî ya Demokratîk Telal Mihemed di daxuyaniyekê de ji bo K24ê re diyar kir ku, wan biryar daye dê ji sîstema fedralîzmê li herêma Rojava û Bakurê Sûriyê beşek bin, ji ber ku li gor gotina wî ew çareya herî gûncav e ji paşeroja Sûriyê re.

Mihemed got: “Ji 3 salan ve partiye me hatiye damezradin û ji destpêkê de jî em di nava xebata û şoreşa Rojava de bûn, ji damezrandina Rêveberiya Xweser û heta damezrandina Encûmena Damizrêner a sîstema Ferderalîzma Rojava û bakurê Sûriyê. Herwiha em felsefeya netewa demokratîk ji xwe re dikin hêleke startîjîk û li ser vê bingehê em karê xwe dikin.”