Parlementerê HDPê Nîhat Akdogan jî hate girtin
K24 – Navenda Nûçeyan
Parlementerê Partiya Demokratîk a Gelan (HDP) Nîhat Akdogan jî hate girtin û bi vî awayî hejmara parlementerên ku hatine girtin gihişt 10 parlementeran.
Di çarçoveya lêpirsîna ku ji aliyê Serdozgeriya Komarê ya Colemêrgê ve tê birêvebirin de, parlementerê HDPê Nîhat Akdogan duh li Colemêrgê hate binçavkirin.
Polîsan Akdoganî birin dadgehê û piştî dadgehkirina parlementerê HDPê hate girtin.
2 parlementerên HDPê yên Colemêrgê Abdullah Zeydan û Selma Irmak jî 3 roj berê hatibûn girtin.
Ev 4 roj in li hemberî HDPê operesyoneke berfireh tê birêvebirin û bi girtina Abdullah Zeydanî jî hejmara parlementerên ku hatine girtin gihişt 10 parlementeran.