Şopîner: Agirbest ne li gor merçên çareseriyê ye

Agirbesta ku li Sûriyê hatiya ragihandin hîn berdewam e, lê metirsî ji binpêkirina wê heye û pêşbîn e dan û standinên aştiyê werin lidarxistin, lê hin grûpên çekdar yên bi ser rêjîma Sûriyê ve li hin deveran agirbestê binpê dikin.
kurdistan24.net

 

K24 – Qamişlo  

Agirbesta ku li Sûriyê hatiya ragihandin hîn berdewam e, lê metirsî ji binpêkirina wê heye û pêşbîn e dan û standinên aştiyê werin lidarxistin, lê hin grûpên çekdar yên bi ser rêjîma Sûriyê ve li hin deveran agirbestê binpê dikin.

Ta niha agirbesta di navbera rêjîma Sûriyê û hêzên opozîsyonê de berdewam e, Rûsya diyar dike ku ew metirsîdar e ji binpêkirina vê agirbestê, ji ber wê yekê jî pêwîstî bi çavdêriyeke berdewam heye.

Şopînerîn Kurd bi erênî li vê agirbestê dinêrin û diyar dikin ku binpêkirina wê agirbestê, Sûriyê ber bi bobelateke mestir ve dibe, ku ev agirbest ne li gor şert û merçên çareseriya pirsgirêka Sûriyê hatiye meydanê.

DAIŞ û Eniya El-Nusra ji vê agirbestê cudakirî ne, ji ber wê yekê heye ev agirbest were binpêkirin. Şîrovekarên Kurd dibêjin ku agirbesta bi vî rengî miletê sûriyê naparêze ji ber dewletên ku serkêşiyê vê agirbestê dikin di heman demê de piştevaniya girûpên leşkerî li sûriyê dikin.

Pêşbîne di heyama heyvekê de danûstandinên aştiyê li Asîtanê werin lidarxistin, lê ta niha gelek kêseyên binpêkirina agirbestê hatine tomarkirin. Hêzên rêjîmê bi 12 bermîlên teqîner devera Bereda li derdora Şamê topbaran kirin û çekdarên Îranî başûrî Helebê topbaran kirin, herwiha hin kêse li gundewarê Idlib û Hemayê jî hatin tomarkirin.