Barzanî û Yildirim şerê terorê gotûbêj dikin

K24 – Navenda Nûçeyan

Di çarçova hevdîtin û civînên Serokê Herêma Kurdistanê Mesûd Barzanî li Konferansa Asayişa Cîhanê li Munchenê de, biryar e îro Serok Barzanî ligel Serokwezîrê Tirkiyê Binalî Yildirim bicive.

Peyamnêrê K24ê li Munchenê ragihand, biryar e îro Serokê Herêma Kurdistanê Mesûd Barzanî ligel Serokwezîrê Tirkiyê Binalî Yildirim bicive, dawî pêşhatên li herêmê û şerî Mûsilê û rûbirûbûna terorê gotûbêj bikin.

Îro roja dawî ya Konferansa Asayişa Cîhanê li Munchena Almanyayê ye, di rojên borî de Serokê Herêma Kurdistanê çendîn hevdîtin û civînên girîng ligel serkirde û nûnerên welatên cîhanê kirin.

Ji Buhara sala 1963an ve li Munchena Almanyayê Konferansa Asayişa Cîhanê tê lidarxistin. Di konferansê de, li ser rewşa ewlehiya cîhanê gotûbêj tên kirin.