Mehdî Eker: Diyarbekir niha ewletir e

K24 – Navenda Nûçeyan

Cîgirê Serokê Giştî yê AK Partiyê Mehdî Eker dibêje, Diyarbekir, ji beriya du salan ewletir e û bawer e ku, vê Havînê zêdetir geştiyar serdana bajêr bikin.

Mehdî Eker derbarê jinûve avakirina navçeya Sûra Diyarbekirê de got, li Sûrê hin avahî hene ku dîroka wan heta 5 hezar sal berê diçe, lê ji bûyerên tundiyê zerer dîtine.

Da xuyakirin, di pêvajoya jinûve avakirinê de, mîmariya kevin tê parastin û bijarde li pêş welatî û dikandaran hatine danîn ku mafên wan winda nebin.

Eker got, navê Diyarbekirê bi dehan salan e tenê bi bûyerên terorê re tê rojevê û ew dixwazin Diyarbekir, bi pir çandî, pir rengî û dîroka xwe were rojevê.