PDK-S: Asayişa Efrînê ahenga serkeftina referandûmê qedexe kir

Asayişa Rojava ahenga serkeftina referandûma serxwebûna Kurdistanê li navçeya Reco ya Efrînê qedexe kir.

Kurdistan24 Hewlêr 2017/09/29 10:51

kurdistan Efrîn PDK-S Asayişa Rojava Referandûm Serxwebûn

K24 – Navenda Nûçeyan

Asayişa Rojava ahenga serkeftina referandûma serxwebûna Kurdistanê li navçeya Reco ya Efrînê qedexe kir.

Partiya Demokrat a Kurdistanê li Sûriyê (PDK-S) li Efrînê ragihandibû, bi boneya serkeftina referandûmê serxwebûna Kurdistanê îro demjimêr 11:00 ahengekê li navçeya Reco bi rê ve dibin.

Nivîsgeha Ragihandinê ya PDK-Sê li Efrînê di daxuyaniyekê de ragihandin, di dema kombûna camewerê Kurd bi alên Kurdistanê li Yarîgeha Reco, hêzên Asayişa Efrînê rê nedan ahenga serkeftina referandûmê bi rê ve biçe.

PDK-Sê ev kiryara asayişa Efrînê şermezar kir û got, ji dêvla ku ew aheng qedexe dikirin, ya baştir ew bû ku tevlî ahenga serkeftina referandûma serxwebûna Başûrê Kurdistanê bibana.