Mafê Parlamenterî ji Parlamenterên HDP Yildirim û Ayhan hat stendin
K24 – Navenda Nûçeyan
Mafê Parlamenterî ji Parlamenterên HDPê Ehmed Yildirim û Îbrahîm Ayhan hat stendin. Hejmara parlamenterên HDPê jî daket 50 kesan.
Mafê parlamenteriya, Parlamenterê HDPê yê Mûşê Ehmed Yildirim û yê Rihayê Îbrahîm Ayhan, jiber pejirandina sizaya wan a zîndankirinê, ji wan hat stendin.
Biryarnameya dadgehê ya bo stendina mafê parlamenteriyê îro di Parlamentoya Tirkiyê de hat xwendin. Piştî xwendinê bi awayek fermî mafê parlamentertiya Yildirim û Ayhan jê hat stendin.
Hîn berê jî mafê parlamenteriya, Leyla Zana, Fîgen Yuksekdag, Nursel Aydogan, Faysal Sarîyildiz, Tuba Hezer, Ferhat Encu û Besîme Konca ji wan hatibû stendin.
Koma Parlamenteriya HDPê bi biryara dawî ji 59 parlamenteran daket 50 parlamenteran.
C.B