Siyasî

Netewên Yekgirtî: Mişextên Efrînê ji yên Xûteyê bêtir bûne

NY: Heya niha Tirkiyê ti daxuyanî derbarê derbaskirina alîkariyên mirovî ji bo bajarê Efrînê nedaye û Niha 180 hezar kes ji Efrînê mişext bûne û rewşa wan xerab e.

Kurdistan24 Hewlêr 2018/03/31 10:35

kurdistan Efrîn Xûteya Rojhilat Netewên Yekgirtî Tirkiye

K24 - Navenda Nûçeyan

Kordînatorê Netewên Yekgirtî li Sûryê Elî Ze'iterî di daxuyaniyekê de ragihand, hejmara xelkên ku ji bajarê Efrînê ji ber êrîşên artêşa Tirkiyê û girûpên çekdar mişext bûne, ji hejmara mişextên navçeya Xûta Rojhilatê Şamê bêtir e.

Ze'iterî got jî: "Heya niha Tirkiyê ti daxuyanî derbarê derbaskirina alîkariyên mirovî ji bo bajarê Efrînê nedaye û Niha 180 hezar kes ji Efrînê mişext bûne û rewşa wan xerab e".

Berî niha jî Ze'iterî ragihandibû, ji bo çarekirina rewşa mirovî li bajarê Efrînê û Xuteya Rojhilat, pêwîstî bi 150 milyon Dolar heye, lê tenê 6% ji wê ji wê rêjeya pereyan li ber destên wan heye.

Ji aliyekî din ve, çalakvanên Efrînê li ser torên civakî tekez dikin, ku heya niha bi hezaran mişextên Efrînê li herdu bajarokên Nubbil û Zehra asê mane û tê gotin ku hêzên hikûmetê û şervanên YPG li ser rêbendan, rê li ber vegera wan digirin.

N.O