Wezîrê bazirganiya Îranê: Herêma Kurdistan ji me re giring e

K24 - Navenda Nûçeyan

Wezîrê bazirganî û pîşesaziya Îranê Mihemed Şerîetmedarî, di dema gihiştina wî de ji bo Hewlêrê, tekezî li ser pêşxistina pêwendiyên li gel Iraqê û bitaybetî li gel Herêma Kurdistanê kir û ragihand, ku weke cîraneke kevnar û giring ji Îranê re, pêşxistina pêwendiyên abûrî û bazirganî li gel Herêma Kurdistanê, ji bo Îranê giring e.

Mihemed Şerîetmedarî got jî: "Yek ji giringtirîn siyasetên Îranê, di warê çalakiyên derve de, pêşxistina pêwendiyan li gel Iraqê û bitaybetî li gel Herêma Kurdistanê ye. Li aliyekî din jî, emê hevkariyên xwe yên taybet li gel Herêma Kurdistan, di warê avakirin û bazirganiyê û warên din de pêş bixin".

N.O