Lapirsîn a bi kom li dijî siyasetmedarên Kurd

K24 – Navenda Nûçeyan

Dozgeriya Komarî ya Diyarbekrê lapirsîn lidij biqasî 30 siyasetmedarên bakurê Kurdistanê vekir. Siyasetmadaran di 13 – 18 Gulanê de liser vê dozê ifade dan Ofisa Dijî Terorê ya Birêvebiriya Asayişa Diyarbekrê.

Dinav siyasetmedarên ku ifadeya wan hatî girtin de. Serokê Giştî yê Partiya Azadiya Kurdistanê (PAK) Mustafa Ozçelik, Serokê Giştî yê Platforma Demokratên Kurdistan (PDK) Sertaç Bucak, Serokê Giştî yê Partiya Sosyalîst a Kurdistanê (PSK) Mesut Tek, Serokê Partiya Azadî û Sosyalizmê Sinan Çiftyurek, Berdevkê Hereketa Azadî Ayetullah Aşitî, Cîgirê Serokê Partiya Demokrat a Kurdistanê – Tirkiye (PDK-T) Şerefhan Cizîrî jî hebûn.

Tewanên lidij siyasetmedarên bakurê Kurdistanê: Xebat ji bo piştgiriya Referendûma serxwebûna Kurdistanê, axaftin û beşdarî di xebat û konferansan de, daxûyaniyên liser Efrînê û parvekirinên di sosyal-medya de ne.

Dozgeriya Komarî ya Diyarbekrê di rpjên pêş de dê biryarê bide, gelo lapirsîn dê bibe doz hemberî siyasetmedarên Kurd.

C.B