Kosret Resûl peyamek derbarê bordûmana Koya belav kir

K24 - Navenda Nûçeyan.

Cîgirê sikirtêrê giştî yê Yekîtiya Niştimanî ya Kurdistanê (Kosret Resûl Elî) peyamek derbarê bordûmana îro, li dijî baregehên herdu Hizbên Demokrat (HDK) û (HDKÎ) belav kir û ew êrîş şermezar kir.

Di peyama xwe de, Kosret Resûl dibêje: Dîrokê piştrast kiriye, ku ne şerê çekdarî, ne topbaran û bordûmanê, ne zindanîkirin û ne bidarvekirinê, nekarîne doza rewa ya gelê Kurd bidawî bîne, lewra take çareseriya rastiyane û riya şahane ya gihiştina Kurdan bi mafên xwe û vegerandina rewşa aramî û aştiyê ji navçeyê re, tenê diyalog û gotûbêj û kombûna me hemûyan e, ji bo dîtina çareseriya aştyane ye.

Têksta peyamê:

Bi navê Xwedayê mezin û dilovan

"Malbatên serbilind ên şehîdên karesata 8ê Êlûnê

Gellekî bi xemgînî, îro li Koya Îran topbarana baregehên herdu Hizbên Demokrat kir û di encamê de, dehan serkirde û kadîrên qareman şehîd bûn û hejmarek ji jin û zarok û welatiyên sivîl birîndar bûn, li vir û di heman dema ku em vê topbaranê derheqê herdu hizbên Demokrat şermezar dikin, em serexoşî û hevxemiya xwe ya kûr beramberî malbatên şehîdên karesata 8ê Êlûnê didin xuyakirin û hêviya zû başbûnê  ji birîndaran re dixwazin.

Dîrokê piştrast kiriye, ku ne şerê çekdarî, ne topbaran û bordûmanê, ne zindanîkirin û ne bidarvekirinê, nekarîne doza rewa ya gelê Kurd bidawî bîne, lewra take çareseriya rastiyane û riya şahane ya gihiştina Kurdan bi mafên xwe û vegerandina rewşa aramî û aştiyê ji navçeyê re, tenê diyalog û gotûbêj û kombûna me hemûyan e, ji bo dîtina çareseriya aştyane ye.

Em ji hemû aliyan dixwazin Herêma Kurdistan neken meydana milmilaneya siyasî û serbazî li navçeyê, ji ber ku Kurdistan di rewşeke hestyar de derbas dibe.

Kosret Resûl Elî

Cîgirê sikirtêrê giştî

Yekîtiya Niştimanî ya Kurdistanê

N.O