Rûsya: Amerîka û HSDê nikarin navçeyên xwe biparêzin

K24 – Navenda Nûçeyan

Wezareta Bergîriyê ya Rûsyayê ragihand, Amerîka û Kurd nikarin navçeyên xwe yên li rojhilatê Firatê biparêzin.

Peyvdarê Wezareta Bergîriyê ya Rûsyayê Igor Konashenkov ragihand, rewşa ewlehiyê li navçeyên rojhilatê Firatê yên di destê Amerîka û Kurdan de ne têkçûyî ne û dibe çalakiyên DAIŞê li wir zêde bibin.

Da zanîn, di dema dawiyê de DAIŞê êrîşên xwe li wan navçeyan zêde kirine û ji destpêka meha Cotmehê û ta niha DAIŞê 57 caran êrîşî Hêzên Sûriyeya Demokratîk (HSD) kiriye.

Konashenkov got jî, hêzên Kurdî û Amerîkî nikarin navçeyên di destê wan de ne biparêzin û DAIŞ kariye navçeyên jidest dane di vê dawiyê de vegerînin bin kontrola xwe.

Ev daxuyaniyên Igor Konashenkov di demekê de ne, berî çend rojan Rewangeha Sûrî ya Mafên Mirovan belav kiribû, DAIŞê di êrîşeke berûvajî de karî bajarokê Sosê yê li rojhilatê Dêrzorê ji destê HSDê derbixe.

Wezareta Bergîriyê ya Rûsyayê diyar kir jî, firokeyên Hevpeymaniya Navdewletî ya li dijî DAIŞê di yek mehê de bêhtir ji 120 welatiyên sivîl kuştine û hin caran jî şervanên Kurd jî bi şaşî hatine armanckirin.

S. B