Li Minbicê 4 endamên asayişê hatin kuştin
K24 - Navenda Nûçeyan.
Asayişa li bajarê Minbicê ragihand, ku girûpeke çekdar êrîşî xaleke wan ya pişkinînê kir û di encamê de, 4 endamên wan hatin kuştin.
Di daxuyaniyekê de, asayişa bajarê Minbicê diyar kir, ku derengê şevê din, komeke çekdar êrîşî xala Şiwêha Xiznewî li gundewarê Minbic kir û di encama êrîşê de, 4 endamên wan ku li ser erkê xwe bûn, hatin kuştin.
Li gorî daxuyaniya asayişê, heya niha ew girûpa çekdar nehatiye naskirin, lê tîmên wan lêkolînên xwe berdewam dikin.
N.O