Serok Barzanî û Eyad Elawî di 3 mijaran de rêkeftin pêkanîn

K24 – Navenda Nûçeyan

Li Selahedîn, Serok Barzanî û Eyad Elawî civiyan û daxuyaniyek hevbeş belav kirin.

Di civînê de, bi hûrbînî behsa rewşa Iraqê, navçeyê û mijarên pêkanîna hikûmeta veguhêz a bê ya Iraqê hate kirin, û her du alî liser van xalan rêkeftin.

Yekem: Her du alî tekez dikin, ku pêwîstiya Iraqê bi man a Hêzên Hevpeymaniya Navdewletî heye, bo ku di rûbirûbûn a metirsiyên terorê de, hevkariya welat bikin. Bi taybet, ku di dem a dawî de, tevgerên çekdarên DAIŞê zêde bûn e.

Dûyem: Iraq welatek fereh  pêkhate ye û tu aliyek siyasî nikare, derbarê biryarên çarenivîsaz yên girêdayî dewlet û paşeroja wê, tekaliyê bike, ji ber ku ev yek dibe gef, li ser yekperçeyiya welat û aştiya civakî.

Sêyem: Pêwîst e hikûmeta bê, nûneratiya hemû aliyan bike û hemû pêkhateyên Iraqê beşdariyê tê de bikin. Ji bo ku yekgirtina niştîmanî û daxwazên xwepêşanderên aştîxwaz û bizavên cemawerî jî, li xwe bigre.

C.B