Siyasî

Tirkiye: 15 kes jiber çalakiyên 1ê Gulanê hatin binçav kirin

Li Stenbolê Seroka Konfederasyona Sendîkayên Karkeran jî di nav de 15 kes ji ber çalakiyên Yekê Gulanê hatin binçavkirin

Kurdistan24 Hewlêr 2020/05/01 14:50

tirkiyê DISK Binçav kirin 1 Gulan

K24 – Navenda Nûçeyan

Li 31 bajarên Tirkiye û Bakurê Kurdistanê qedexeya derketina derve berdewam dike. Li Stenbolê Seroka Konfederasyona Sendîkayên Karkeran jî di nav de 15 kes ji ber çalakiyên Yekê Gulanê hatin binçavkirin.

Li 28 bajarên Tirkiyeyê û heşt bajarên Bakurê Kurdistanê, îro qedexeya derketina derve bo heyama sê rojan destpê kir. Li gor agahiyan, li hin deveran binpêkirin hebe jî pabendbûna bi qedexeyê heye.

Li aliyê din,Konfederasyona Sendîkayên Karkerên Şoreşger hewl da ku li Stenbolê 1'ê Gulanê Cejna Karkeran pîroz bike. Polîsan ji ber qedexeya derketina derve û biryara parêzgarê rê nedan çalakiyê û di encamê de Seroka Konfederasyona Sendîkayên Karkerên Şoreşger Arzû Çerkezoglu jî di nav de 15 kes hatin binçavkirin.

C.B