Siyasî

Li Herêma Kurdistanê 24 kesên din bi Koronayê canê xwe ji dest dan

Wezareta Tendirustiyê ya Herêma Kurdistanê ragihand, di 24 demjimêrên bûrî de 24 kesan bi vîrûsa Koronayê canê xwe jidest dane.

Kurdistan24 Hewlêr 2020/09/30 10:19

kurdistan Hewlêr Silêmanî Duhok Helebce Covid-19

Navenda Nûçeyan (K24) – Wezareta Tendirustiyê ya Herêma Kurdistanê ragihand, di 24 demjimêrên bûrî de 24 kesan bi vîrûsa Koronayê canê xwe jidest dane.

Wezareta Tendirustiyê di daxuyaniyekê de belav kir, di 24 demjimêrên bûrî de, 673 kes bi vîrûsa Koronayê ketine, ji wan 297 kes li Hewlêrê, 92 kes li Silêmaniyê, 28 kes li Germiyanê û 224 kes li Duhokê û 32 kes li Helebceyê ne. Herwiha 430 pêketiyên Koronayê baş bûne.

Wezareta Tendirustiyê diyar kir jî, 24 kesan bi Koronayê canê xwe ji dest dan, ji wan 5 kes li Hewlêrê, 10 kes li Silêmaniyê, 1 kes li Germiyanê û 8 kes li Duhokê ne.

Amarên giştî:

Pêketin: 47810 (Hewlêr: 17676, Silêmanî: 16155, Duhok: 12286, Helebce: 1693)

Mirin: 1749 (Hewlêr: 567, Silêmanî: 887, Duhok: 258, Helebce: 37)

Başbûn: 30605 (Hewlêr: 14043, Silêmanî: 10176, Duhok: 4812, Helebce: 1574)

Wezareta Tendirustiyê, ji bilî ku destxweşiyê li karmendên tendirustiyê û hemû tîmên bijîşkî yên li ser kar in dike, careke din daxwaz ji welatiyan dike, pabendî rênimayên tendirustiyê bibin û ji cihê qerebalix dûr bikevin û mask û lepikan bikar bînin. Herwiha di dema pêwîst de jî pêwendiyê bi hêla germ hejmar (122) re bikin.