Siyasî

YE 7 wezîrên nû yên rejîma Sûriye dixe nav lîsteya reş!

Li gorî daxuyaniya Konseya Yekitiya Ewropa, digel biryara herî dawî, hejmara berpirsên rejîma Sûriye yên werin cezakirin bûn 280 kes.

Kurdistan24 Hewlêr 2020/10/16 20:17

cihan Beşar Esad Sûriye Yekitiya Ewropa

Navenda Nûçeyan (K24) - Yekitiya Ewropa (YE) 7 wezîrên rejîma Sûriyeyê yên nû hatine destnîşankirin xiste nav lîsteya kesên bêne cezakirin.

Li gorî daxuyaniya Konseya YE, digel biryara herî dawî, hejmara berpirsên rejîma Sûriye yên werin cezakirin bûn 280 kes.

Di lîsteyê de 70 rêxistin jî hene. Di nav van cezayan de qedexeyên derketina derve û rawestandina samanan jî heye.

YE'yê ji 2011'ê ve biryarên sînordarkirina rejîma Sûriye dane. Hinek ji wan biryaran ev in: Vegûhestina petrolê, qedexekirina hinek veberhênanan, rawestandina hebûnên Banka Navendî ya Sûriye, sînordarkirina hinardekirina alav û teknolojiya ku ji bo zexta li ser xelkê û qedexekirina ragihandinê.