Serokwezîr Mesrûr Barzanî pêşwazî li Balyozê Yewnanistanê kir
Hewlêr (K24) – Serokwezîrê Herêma Kurdistanê Mesrûr Barzanî îro pêncşemê 28ê Çileya 2021ê pêşwazî li Balyozê Yewnanistanê yê li Iraqê Leonidas Contovounesios kir.
Di hevdîtinê de, ku Konsulê Yewnanistanê yê li Hewlêrê Efthymios Costopoulos jî amade bû, derbarê rewşa Iraq û pêwendiyên navbera Herêma Kurdistanê û Yewnanistanê de gotûbêj hate kirin.
Balyozê Yewnanistanê yê li Iraqê Leonidas Contovounesios amadebûna welatê xwe nîşan da ji bo pêşvebirina pêwendiyên ligel Herêma Kurdistanê, bi taybetî di warê veberhênan û alîkarî û hemahengiya sektorên çandinî û geştûguzariyê de.