Papayê Vatîkanê: Tevî êrîşan jî serdana Iraqê dikim

Biryar e Papayê Vatîkanê di roja Yekşemê 7ê Adarê serdana Hewlêrê bike.

Kurdistan24 Hewlêr 2021/03/03 13:30

Iraq Herêma Kurdistanê Iraq Papa Fransîs Vatikan

Navenda Nûçeyan (K24) – Papayê Vatîkanê Papa Fransîs ku biryar e roja 5ê Adarê bi serdanekê bigihe Iraqê ragihand, tevî êrîşan jî dê serdana Iraqê bike.

Papa Fransîs di gotara xwe ya roja Çarşemê de got: "Roja înê bi rêdana xwedê ez ê biçim Iraqê."

Herwiha got jî: "Min xwast serdana mirovên ku demeke dirêj e gelek êş û azaran dikişînin bikim."

Ev di demekê de ye, îro danê sibê bi 10 mûşekan êrîş li binkeya leşkerî ya Eyn El-Esed li Enbarê hate kirin ku dora 2 hezar leşkerên Amerîkî lê bi cih dibin.

Ji ber êrîşê jî, kesekî ku bi girêbest bi Amerîkiyan re kar dike, bi celteya dil canê xwe ji dest da.

Biryar e Papayê Vatîkanê di roja Yekşemê 7ê Adarê serdana Hewlêrê bike û ji aliyê berpirsên bilind ên Herêma Kurdistanê ve bê pêşwazîkirin. Bi vê boneyê jî, Papa li yarîgeha Franso Herîrî ya Hewlêrê bi amadebûna 10 hezar kesan nimêjeke ayînî bike.