Li Xanesorê şer di navbera PKK û artêşa Iraqê de derket
Navenda Nûçeyan (K24) – Li komelgeha Xanesorê yê ser bi nahiya Sinûnê ve, şer di navbera PKK û artêşa Iraqê de derket.
Li gor zanyariyên K24ê, li komelgeha Xanesorê şer di navbera PKK û artêşa Iraqê de derket, di encamê de jî leşkerî Iraqî birîndar bû û PKKê otomobîleke artêşa Iraqê revand.
Li gor zanyariyan, sedema wî şerî vedigere wê yekê, berî niha artêşa Iraqê soz dabû 1 hezar û 500 çekdarên ser bi PKKê ve tevlî artêşa Iraqê bike, îro jî ew molet bi dawî hat û ew rêkeftin bicibî nebû.
Ev di demekê de ye, çekdar û alîgirên PKKê jî li rojavayê Xanesorê, li Sinûn û Şingalê dest bi xwepêşandanan kirine.
Her çend e di heyama 10 rojên borî de artêşa Iraqê 3 Lîwayên xwe birine ser sînorê Iraq û Sûriyê, lê heta niha rêkeftina Hewlêr û Bexdayê ya asayîkirina rewşa Şingalê û derxistina çekdaran ji Şingalê nehatiye cibicîkirin.
Tensions rise between #PKK and #Iraqi army in #Shingal #سنجار pic.twitter.com/zE3FHzkIIY
— Harem Jaafer (@HaremJaafer) March 11, 2021
Fight erupts between #Iraqi army and #PKK affiliated groups in #Khanasor, northern #Sinjar. pic.twitter.com/Jdpg8ISpLL
— Barzan Sadiq (@BarzanSadiq) March 11, 2021