Siyasî

Peyama pîrozbahiyê ya Serokwezîr Mesrûr Barzanî bi boneya cejna Remezanê

Serokwezîrê Herêma Kurdistanê Mesrûr Barzanî bi boneya hatina cejna Remezanê, peyameke pîrozbahiyê arasteyî hemû Misilmanên Kurdistan û Iraq û cîhanê kir.

Kurdistan24 Hewlêr 2021/05/12 22:03

Kurdistan Mesrûr Barzanî Remezan Cejn Pîrozbahî

Hewlêr (K24) – Serokwezîrê Herêma Kurdistanê Mesrûr Barzanî bi boneya hatina cejna Remezanê, peyameke pîrozbahiyê arasteyî hemû Misilmanên Kurdistan û Iraq û cîhanê kir û ji welatiyan daxwaz kir ku metirsiyên Koronayê bi cidî werbigrin û pabendî rêkarên xweparêzî û rênimayên tendirustiyê bibin.

Peyama pîrozbahiyê ya Serokwezîr Mesrûr Barzanî wiha ye;

Bi minasebeta hatina cejna Remezana pîroz, gerimtirîn pîrozbayî pêşkêşî tevahiya mislimanên Kurdistan, Iraq û cîhanê dikim, bi taybetî pîrozbayî li pêşmergeyên qehreman û hêzên asayîşa navxwe û malbetên serfiraz yên şehîdan dikim.

Hêvî dikim Xwedayê dilovan, niza û rojiyên tevahiya aliyan qebûl bike û ev cejn bibe sedema xêr û xweşî û dawî hatina nexweşiyan û nehametiyan û herwiha bibe handerek bo aştî û aramî di navbera tevahiya pêkhateyên cuda yên Herêma Kurdistanê de.

Ev minasebeta han bi derfet dizanim ku careke din daxwaz ji we bikim metirsiyên Korona bi cidî werbigirin û pabendî rêkarên xweparêziyê û şîretên tendirustiyê bibin.

Cejna we pîroz û Kurdistan jî hertim aram û awedan be.

Serokwezîrê Herêma Kurdistanê

Mesrûr Barzanî