Encûmena Wezîran çend pirsên girîng guftûgo dike

Encûmena Wezîran a Herêma Kurdistanê bi serokatiya Serokwezîr Mesrûr Barzanî dicive

Kurdistan24 Hewlêr 2021/07/28 10:41

Kurdistan Encûmea Wezîran Mesrûr Barzanî

Navenda Nûçeyan (K24) – Encûmena Wezîran a Herêma Kurdistanê îro 28/7/2021 bi serokatiya Serokwezîr Mesrûr Barzanî û amadebûna Cîgirê Serokwezîr Qubad Talebanî civîna xwe ya heftane girê dide.

Li gor Fermengeha Medya û Zanyariyan, di civînê de ev mijarên li jêr tên guftûgokirin:

Yekem: berdewamiya guftûgoyên Encûmena Wezîran ji bo rêkxistina dahatên navxweyî û nîşandana gavên praktîkî yên wezaretan di vê derbarê de.

Duyem: Pêşkêşkirina raportekê derbarê rewşa zêdebûna berçav a keysên pêketiyên vîrûsa Koronayê li Herêma Kurdistanê û zêdebûna hejmara miriyan bi wê pandemiyê û rêkarên pêwîst yên divê werin girtin ji bo rûbirûbûna balavbûna pandemiyê.

Sêyem: Pêşkêşkirina pêşniyaza guhartina her du qeza (Soran û Zaxo) bo îdareyên serbixwe.

Çarem: Pêşkêşkirina mijara (hilgirtina çekê bê molet)

Pênçem: Destpêkirina Wezareta Samanên Sirûştî û Wezareta Darayî û Aboriyê bi amadekariyên dabînkirina sotemeniyê ji welatiyan re di demsala sermayê de.