Pentagon: Em ligel fermandarên Talîbanê di pêwendiyê de ne
Hewlêr (K24) – Pentagon piştrast dike ku ew ligel fermandarên serbazî yên Tevgera Talîbanê yên li Efxanistanê di pêwendiya berdewam de ne.
Berdevkê Wezareta Berevanî ya Amerîkayê (Pentagon) John Kirby ragihand: “Fermandarên me yên li Balafirgeha Kabulê hemahengî û pêwendiya wan a berdewam ligel fermandarên Talîbanê yên li derveyî balafirgehê heye.” Herwiha eşkere kir: “Heta niha Talîban ti destwerdanek li proseya vekişîna serbaz û dîplomatkarên me yên li Kabulê nekiriye.”
John Kirby diyar kir: “Gotûbêj û pêwendiyên me ligel Talîbanê heye. Em ê encama vê hemahengiyê bibînin, ez nakevin hûrgiliyan, çimkî heta niha ti destwerdanek li balafirgehê ji aliyê Talîbanê ve li ser proseya veguhestina serbaz û dîplomatkarên me rûnedaye.”
Kirby eşkere kir: “Heta niha dema ji bo vekişîna bi temamî ji Efxanistanê heta dawiya vê mehê ye, lê belê dibe ku em vê proseyê bilez bikin û ev dem were pêşxistin.”