Talîban ligel Hamîd Karzaî civiya

Navenda Nûçeyan (K24) – Şandeke çekdarên Tevgera Talîbanê bi serokatiya Enes Heqanî, ligel nûnerê partiyên siyasî yên Efxanistanê yê bi serokatiya Hamîd Karzaî û Serokê Encûmena Bilind a Aştiya Niştimanî Ebdullah Ebdullah civiya.

Ajansa nûçeyan a Reutersê ji serkirdeyê Talîbanê Wehîdullah Haşimî ragihandiye; Efxanistanê, Encûmena Hukmê birêve dibe, lê belê Heybetullah Axunzande weke Rêberê Bilind ê Talîbanê hatiye destnîşankirin.

Wehîdullah Haşimî diyar kiriye ku rola Heybetullah Axunzande dê mezintir bibe di Serokatiya Encûmena Hukmê de weke serokê welat, ji bo vê jî dê sê nûnerên Talîbanê hebin, ku ji Mewlewî Yaqûb kurê Mela Umer, Serokê Tevgera Heqanî Sîracedîn Heqanî, Serokê Mekteba Siyasî ya Tevgera Talîbanê Ebdulxenî Birader pêk tê.