Amerîka 4 milyon Dolar ji bo rûbirûbûna Korona li Rojavayê Kurdistanê vediqetîne

Navenda Nûçeyan (K24) – Amerîka 4 milyon Dolar ji bo rûbirûbûna belavbûna vîrûsa Koronayê û pêşxistina sektora tendirustiyê li Rojavayê Kurdistanê vediqetîne.

Balyozxaneya Amerîkî li Şamê li ser hejmara xwe ya tora civakî “Twitter” belav kir, Amerîka bi riya planekê 4 milyon Dolar ji bo rûbirûbûna Koronayê li bakurê rojhilatê Sûriyê veqetandiye.

Diyar kir jî, “Bi van diravan, em ê bikarin alavên bijîşkî peyda bikin, binesaziya tenduristiyê sererast bikin û perwerdehiya xebatkarên tenduristiyê baştir bikin.”

Ev di demekê de ye, hejmara kesên li Rojavayê Kurdistanê wek hilgirên vîrûsa Koronayê hatine tomarkirin bi ser 27 hezar kesan ketiye û 899 kesan jî canê xwe ji dest dane.

Berpirsên Rêveberiya Xweser di vê derbarê de dibêjin, ji dema belavbûna vîrûsa Koronayê li herêmê, ji bilî ji Herêma Kurdistanê, ti alîkariyên din ên tendirustiyê ji rêxistinên pêwendîdar û welatên bihêz negihîştine ber destê wan.