Nêçîrvan Barzanî û Balyozê Qeterê mijarên girîng ên rojevê gotûbêj kirin

Serokê Herêma Kurdistanê Nêçîrvan Barzanî pêşwazî li Balyozê Qeterê yê li Iraqê Xalid Bin Hemed Elsuleytî kir.

Kurdistan24 Hewlêr 2021/09/30 18:30

Serokê Herêma Kurdistanê Nêçîrvan Barzanî pêşwazî li Xalid Bin Hemed Elsuleytî kir

Hewlêr (K24) - Serokê Herêma Kurdistanê Nêçîrvan Barzanî êvara pênçşemê 30ê Îlona 2021ê pêşwazî li Balyozê Qeterê yê li Iraqê Xalid Bin Hemed Elsuleytî kir.

Di hevdîtinê de pêşxistina peywendiyên Iraq û Herêma Kurdistanê ligel Qeterê, bi taybetî di warê aborî û bazirganiyê de û handana sermayeguzarî û veberhênana Qeterî di warên cuda cuda de li Iraq û Herêma Kurdistanê xistin ber behs û guftûgoyan.

Konferansa Bexda ya ji bo alîkarî û hevbeşî, girîngiya peywendiyên Iraqê li gel welatên cîran û navçeyê, hilbijartinên dahatû yên Iraqê û çend pirseke dinê ji bo her du aliyan girîngbûn, mijareke dinê vê hevdîtinê bû.