Siyasî

Serok Barzanî pêşwazî li Parêzgarê Selahedîn kir

Parêzgarê Selahedîn daxwaz kir, parêzgeha Selahedîn û parêzgehên din ên Iraqê sûdê ji ezmûna serkeftî ya Herêma Kurdistanê werbigirin

Kurdistan24 Hewlêr 2021/12/23 13:00

Kurdistan Mesûd Barzanî Selahedîn Emmar El-Cibûrî

Navenda Nûçeyan (K24) – Serok Mesûd Barzanî îro 23/12/2021ê pêşwazî li Parêzgarê Selahedîn Emmar El-Cibûrî kir.

Di hevdîtinê de, rewşa siyasî ya Iraqê û rewşa xelkê li parêzgeha Selahedîn û parêzgehên naverasta Iraqê hatin guftûgokirin.

Her di wê hevdîtinê de, Parêzgarê Selahedîn ji bilî nîşandana pêzanîna xwe ji bo geşepêdan û vejîna Herêma Kurdistanê, daxwaz kir jî, parêzgeha Selahedîn û parêzgehên din ên Iraqê sûdê ji ezmûna serkeftî ya Herêma Kurdistanê werbigirin.