Balafireke Amerîkî 81 ton teqemenî gihande Ukraynayê
Navenda Nûçeyan (K24) – Wezîrê Berevanî yê Ukraynayê Oleksii Reznikov ragihand; balafira çarem a Amerîkî 81 ton teqemenî gihande welat û Kiev li benda alîkariyên zêdetir e.
Oleksii Reznikov li ser hesabê xwe yê Twitterê diyar kir; vê carê balafira çarem 81 ton teqemeniyên cûr bi cûr gihande Ukraynayê. Hefteya bê, em li benda balafireke din a Amerîkî ne, ku alîkariya teknîkî ya serbazî bi wan re heye ji bo bihêzkirina şiyana berevaniya Ukraynayê.
Hefteya borî Amerîka 79 ton çek û teqemenî gihande Ukraynayê, ku 300 mûşekên cûreya cavlîn tê de bûn.
Li gor zanyariyên medyayê, hikûmeta Ukraynayê çaverêya 45 balafirên Amerîkî dikin, ku alîkariyên serbazî bi wan re ne û ji vê hejmarê tenê çar balafir gihîştine Kievê.
This time the 4th bird delivered 81 tons of ammunition of various calibers to Ukraine. Next week we are waiting next 🇺🇸 planes with military-technical assistance to strengthen 🇺🇦 defense capabilities! 🇺🇦🤝🇺🇸@WhiteHouse @congressdotgov @USEmbassyKyiv @UKRintheUSA @DeptofDefense pic.twitter.com/FkUqJGzXFm
— Oleksii Reznikov (@oleksiireznikov) January 28, 2022