DAIŞê berpirsyariya êrîşa li Îranê li xwe girt

Hewlêr (K24) – DAIŞê berpirsyariya êrîşa li bajarê Şîrazê yê navenda parêzgeha Farif a Îranê li xwe girt.

Li gor zanyariyên ajansa AFPê, rêxistina DAIŞê bi rêya malpereke xwe ya medyayê, berpirsyariya êrîşa îro ya li bajarê Şîrazê li xwe girt.

Vê êvarê 26ê Cotmeha 2022yan, medyaya Îranê ragihand, di bûyereke teqekirinê de li bajarê Şîrazê yê navenda parêzgeha Faris, 15 kes hatin kuştin û 40 kes jî birîndar bûn.

Malpera Tesnîm a nêzîkî Supaya Pasdaran belav kir ku êrîşkar selefî û wehabî bûne û ji aliyê welatekî navçeyê ve hatine arastekirin.

Piştî wê bûyerê, karvedanên navxweya Îranê dest pê kir, Serokomarê Îranê Îbrahîm Reîsî ragihand, dijbereyên Îranê piştî ku nekarîn yekbûna îraniyan têk bibin, dest bi tundî û terorê kirin.

Îbrahîm gef xwar û got: “Ev kiryar dê bêbersiv nemîne û dezgehên ewlehî û serbazî divê bi awayê herî tund bersivê bidin.”