Siyasî

Serok Barzanî piştevaniya xwe ji bo Hikûmeta Iraqê dûpat kir

Serok Mesûd Barzanî roja Sêşemê 14ê Adara 2023an li Selahedînê firavînek ji bo Serokwezîrê Iraqê Mihemed Şiya Sûdanî û şanda pê re saz kir.

Kurdistan24 Hewlêr 2023/03/14 18:30

Kurdistan Serok Barzanî Mihemed Şiya Sûdanî

Hewlêr (K24) – Serok Mesûd Barzanî roja Sêşemê 14ê Adara 2023an li Selahedînê firavînek ji bo Serokwezîrê Iraqê Mihemed Şiya Sûdanî û şanda pê re saz kir.

Di hevdîtinê de danûstandina fikr û ramanan li ser rewşa siyasî ya Iraqê û pêngavên hikûmeta Iraqê û cîbicîkirina rêkeftinan hat kirin û tekezî li ser çareserkirina giriftan li ser bingeha destûrê hat kirin.

Herwiha Serok Barzanî piştevaniya xwe ji bo hikûmeta Iraqê dûpat kir û hêvî xwest ku îradeya hemû aliyên siyasî bi arasteya çareserkirina kêşeyan û seqamgîriyê be.