Serokwezîr Mesrûr Barzanî pêşwazî li Wezîrê Derve yê Awusturyayê kir

Hewlêr (K24) – Serokwezîrê Herêma Kurdistanê Mesrûr Barzanî pêşwazî li Wezîrê Derve yê Awusturyayê Alexander Schollenberg kir.

Di dicivînê de ku Cîgirê Serokwezîr Qubad Talebanî jî amade bû, pêşvebirina zêdetir a pêwendiyên dîrokî û dostane yên navbera Herêma Kurdistanê û Awusturyayê hat gotûbêjkirin.

Serokwezîrê Herêma Kurdistanê spasiya hikûmet û xelkê Awusturyayê kir ji bo piştgiriya xelkê Kurdistanê di qonaxên cuda de û daxwaza Herêma Kurdistanê jî ji bo bihêzkirina pêwendiyên ligel Awusturyayê di hemû waran de dûpat kir.

Wezîrê Derve yê Awusturyayê destnîşan kir ku hatina wan a bo Herêma Kurdistanê ji bo tekezîkirina li ser dostaniya wan a ligel xelkê Kurdistanê û ji bo pêşvebirina pêwendiyên dîrokî ye.

Mijareke sereke ya gotûbêjan, li ser kêşeyên Herêma Kurdistanê û Hikûmeta Federal û girîngiya parastin û dabînkjirina mafên destûrî yên Herêma Kurdistanê bûye. Herdu aliyan tekezî li ser çareserkirina kêşeyan li ser bingeha destûrê û pêwîstiya bihêzkirina sîstema federalî li Iraqê û sûdwergirtina ji ezmûna serkeftî ya federalîzma li cîhanê û li Ewropa û di nava wan de jî ya Awusturyayê, kirine.

Rûbirûbûna bandorên neyênî yên guherîna keşûhewayê li ser Iraq û Herêma Kurdistanê, beşeke din a gotûbêjan bû.