Di gera Rûsî – Tirkî de li Kobanî qurbanî hene

K24 – Navenda Nûçeyan

Îro duyem gera hevbeş a Rûsî – Tirkî li bajarê Kobanê birêve çû û hejmare welatiyên nerazî birîndar bûn.

Peyamnêrê K24ê li Kobanê da zanîn, îro duyem gera hevbeş a serbazên Rûsî – Tirkî birêve çû û ji gundê Mersimêl yê rojhilatê Kobanî destpê kir û ber bi rojavayê Kobanê çû.

Amaje bi wê jî kir, ji bo parastina gerê û parastina jiyana welatiyên nerazî, asayişa Kobanê bi otombîlên Rûsî û Tirkî re digere.

Li gor zanyariyên peyamêrê me, di navbera gundê Helincê û Şîranê de, welatî derketin pêşiya gera hevbeş û nerazîbûn nîşan dan, otombîlên Tirkiyê jî gaza rondikrêj û gule avêtin avêt û di encamê de hejmarek kes birîndar bûn.

Di çarçoveya rêkeftina Putin – Erdogan li bajarê Socî, roja 5ê vê mehê, yekem gera hevbeş a Rûsî – Tirkî li bajarê Kobanî hatibû kirin.

S. B