Li stenbolê Festîvala Ciwanan bi keyf û şahî çû serî

K24- Stenbol

Li Stenbolê îsal duyemîn festîvala ciwanan li Kuçukçiftlik Parkê birêve çû. Ciwanên beşdarî festîvalê bûyîn, bi çalakiyên cuda cuda û bi komên herêmî yên pop muzîkê, keyf û şahî kirin.

Duyemîn festîvala ciwanan ku li navçeya Beşîktaş a Stenbolê birêve çû, dîmenên rengûreng derxistin holê. Di festîvalê de li gel konsertan, pêşbaziyên e-werziş, kargehên cuda, derfeta naskirina kesên navdar û çalakiyên bi coş û beşdarvan hatin ba hev. Ciwanên beşdar, sipasiya wan kesan kirin ku ev derfet pêşkêşî wan kiribûn.

Welatîyek dibêje:"Ez hem ji bo muzîkê hem jî ji bo lîstokan hatim vê derê. Em dê li vir, bi hevalan re pêşbirkê bikin. Ez dixwazim di lîstokan de serbikevim. Festîvaleke gelek xweş û rengîn e."

Welatîyek dî dibêje: Bi taybetî ji bo lîstokan hatim vir û heta ji me tê em dê keyfê bikin. Atmosferekî gelekî xweş li vê derê heye. Heta derengiyê em dê keyf û şahiyê bikin."

Ciwanên ku derfeta beşdarbûna çalakiya îmzeyan ya lîstikvanên e-werzişê dîtîn, herwiha derfeta beşdarbûna çalakiyên cuda jî bi dest xistin.

Welatîyek din got:"Di gel hevalên xwe ez wextên gelek xweş derbas dikim. Dê di festîvalê de bi dilê xwe keyfê bikim û li benda konsertên êvarî bimînim. Festîvaleke pir xweş û rengîn e. Pêwîstiya ciwanan bi vê heye."

Di konê gamîngê de gelek pêşbirkên e-werzişê birêve çûn û ciwanan, bi konsertên heta derengiya şevê didomin, rojeke bêhempa derbas kirin.