Siyasî

Ala Kurdistanê li Viennayê bilind dibe

Yekîtiya Xwendekar û Ciwanên Demokrat ên Kurdistanê – Rojava (YXCDK) û hejmarek ji partiyên Kurdistanî, di 17ê Berçile de ku Roja Ala Kurdistanê ye, mîtîngekê li Viennaya Paytext lidar dixin.

Kurdistan24 Hewlêr 2016/12/14 16:10

kurdistan Vienna Ala Kurdistanê YXCDK ENKS PDK PDKÎ Mîtîng

K24 – Navenda Nûçeyan

Yekîtiya Xwendekar û Ciwanên Demokrat ên Kurdistanê – Rojava (YXCDK) û hejmarek ji rêxistin û partiyên Kurdistanî, di 17ê Berçile de ku Roja Ala Kurdistanê ye, mîtîngekê li Viennaya Paytext lidar dixin.

Nûnerê YXCDKê li Ewropayê Mezlûm Qerno ji K24ê re ragihand, li ser vexwandina YXCDKê di 17ê Berçile de ku Roja Ala Kurdistanê ye, mîtîngekê li Viennaya Paytext lidar dixin.

Qerno daxwaz ji hemû Kurdên li Nemsayê dijîn dike, ku di Roja Ala Kurdistanê de beşdarî vejîna Ala Kurdistanê bibin, bo piştevaniya hêza Pêşmergeyên qehreman yên ku li dijî DAIŞê destanên lehengiyê dinivîsin û bi xwîna xwe sînorê Kurdistanê dinexşînin, bikin.

Qerno amaje kir ku, ew çalakê bi hevrêzî ligel partiyên Enûmena Niştimanî ya Kurd li Sûriyê (ENKS), Partiya Demokrata Kurdistanê (PDK), Partiya Demoktrata Kurdistanê – Îran (PDKÎ), Partiya Sosyalist a Kurdistanê, Yekîtiya Ciwanên Demokrat a Kurdistanê – Rojhilat û Mal Êzidî li Viennayê birêve diçe.