Parêzgarê Kerkûkê: Pêwîst e hêza Amerîka li Başûrê Kurdistanê bimîne

K24 – Navenda Nûçeyan

Parêzgarê Kerkûkê daxwaz dike, piştî jinavbirina DAIŞê, Amerîka li Herêma Kurdistanê bimîne.

Parêzgarê Kerkûkê Necmedîn Kerîm di hevdîtinekê ligel radyoya “Dengê Amerîka” de ragihand, pêwîst e rêveberiya nû ya Amerîka bi serkirdayetiya Herêma Kurdistanê re rêkeftinekê bikin, ta hêza Amerîka ji piştî şerê DAIŞî jî li Başûrê Kurdistanê bimîne.

Kerîm dibêje, pêwîst e leşker û şêwirmendên Amerîka ji piştî şerê terorê jî bi hejmareke mezin li Başûrê Kurdistanê bimîne. Herwiha daxwaz dike jî, bo wê mebestê divê rêveberiya nû ya Donal Trump bi Herêma Kurdistanê re rêkeftinekê encam bide.