Firansa riya Misrê di nîv-fînala topa destan a Olîmpiyada Tokyoyê de birî

Navenda Nûçeyan (K24) – Hilbijardeya Fransayê ya topa destan riya hilbijardeya Misrê di qonaxa nîv-fînala Olîmpiyada Tokyoyê de birî.

Di qonaxa nîv-fînala Olîmpiyada Tokyoyê de, Hilbijardeya Fransayê ya topa destan bi encama 27 – 23 bi ser hilbijardeya Misrê ket û gihîşt fînalê.

Piştî ku nîvê yekem ê yariyê bi encama 13 – 13 bi dawî bû, lê Hilbijardeya Fransayê rîtma lîstika xwe di nîvê duyem de bilind kir û encama lîstikê li berjewediya xwe bi dawî kir.

Hilbijardeya Fransayê dê di yariya fînalê de rûbirûyî serkeftiya ji Îspanya û Denmarkê bibe. Hilbijardeya Misrê jî dê li ser medelyaya bronzî bilîze.

Hilbijardeya Misrê ya topa destan, yekem hilbijardeya Erebî û Efrîqî ye ku di yariyên olompî de digihe vê qonaxê.

Misr di qonaxa çarîk-fînalê de bi encama 31 – 26 bi ser hilbijardeya Almanyayê ketibû.