Ali Babacan: Ez piştgirî didim kampanyaya dersa Kurdî

Navenda Nûçeyan (K24) – Serokê Giştî yê Partiya DEVA Ali Babacan ragihand; ew piştgirî dide kampanyaya hilbijartina dersa zimanê Kurdî.

Ali Babacan li ser hesabê xwe yê Twitterê derbarê kampanyaya dersa bijarte ya zimanê Kurdî de ragihand: “Proseya hilbijartina dersên bijarte heta 7ê Sibatê hat dirêjkirin. Ez piştgirî didim handana zarokan û kampanyaya derbarê dersa bijarte ya Kurdî ku di sala 2012an de bi hişmendiya maf, me Dersa Bijarte ya Ziman û Zaravayên Zindî tevlî bernameya dibistanan kiribû.”

Herwiha Babacan di twîta xwe de bi zimanê Kurdî hashtagên #KurdîHilbijêre #DersaKurdî belav kirine.