ENKS: Du çekdaran ala Kurdistanê ya li ser baregeha PDK-Sê li Girkê Legê şewitand

Navenda Nûçeyan (K24) – Du çekdaran ala Kurdistanê û diruşma PDK-Sê yên li ser baregeha Partiya Demokrat a Kurdistanê – Sûriye (PDK-S) li Girkê Legê bilindkirî bûn, şewitandin.

Ragihandina ENKSê belav kir, şeva borî du kesên ku cilê leşkerî li wan bûn ala Kurdistanê û diruşma PDK-Sê ya li ser baregeha wê partiyê li bajarokê Girkê Legê bilindkirî bûn, şewitandin.

Ev ne cara yekem e ku ofîsên ENKSê û partiyên bi ser wê ve li bajar û bajarokên Rojavayê Kurdistanê hatine şewitandin. Berpirsên ENKSê jî hêzên çekdar ên ser bi Rêveberiya Xweser bi van kiryaran tometbar dikin.

Serkirdên ENKSê dibêjin jî, HSDê di van kiryarên xerab de berpirsyar in, ji ber ku ew ta niha bi erkê xwe yê rasteqîne li hember van binpêkirinên di derheqê endam û alîgirên ENKSê de tên kirin, ranebûne.