Jeffrey ligel berpirsên Tirkiye dicive

K24 – Navenda Nûçeyan

Kombûna Nûnerê Taybet yê Amerîkayê yê Suriyeyê ya digel berpirsên Tirkiyeyê destpêkir.

Nûnerê Taybet yê Amerîkayê yê Suriyeyê James Jeffrey ji bo gotûbêjkirina pirsa Suriyeyê serdana Enqereyê kir û îro jî digel Cigîrê Wezîrê Derve yê Tirkiyeyê civiya. Nerazîbûna Tirkiyeyê ya dijî YPGyê xala sereke ya civîna wan e. Li gor zanyariyan Jeffrey dê digel berpirsên Tirkiyeyê ``Koma Xebata Suriyeyê ya Bilind`` ava bike. 

James Jeffrey berî çendîn rojan proseya Astanayê ya “çareserkirina Krîza Suriye” rexne kiribû û gotibû ku, dem hatiye kilîdek li deriyê Astana bê xistin. Ev helwêsta Jeffrey garantorên Astanayê – Tirkiye, Rûsya û Îran dilgiran kiribû. Wezîrê derve yê Tirkiye Mevlud Çavuşoglu bi gotinên tund, rexne li helwêsta Jeffrey kiribû.

C.B