شارەوانی ھەولێر زەوییە رووكنەكان دەفرۆشێت

K24 - ھەولێر

له‌ماوەی ئەمساڵدا، شاره‌وانی  پارێزگای ھەولێر سه‌رپشك كراوه‌ له‌ فرۆشتنی زه‌ویییە رۆكن و گرانبەھاكان  شاری هه‌ولێر، سەرۆكی شارەوانی ھەولێریش بە كوردستان24 راگەیاند، به‌ پاره‌ی ئه‌و زه‌وییانه‌ 16 پڕۆژه‌ی خزمەگوزاریان  له‌ ماوه‌ی ئه‌مساڵدا جێبەجێكردووە.

سامان  محه‌مه‌د بڵباس، سه‌رۆكی شاره‌وانی هه‌ولێر بە كوردستان24 گوت: "دەسەڵاتمان پێدراوە ئەو زەوییە رووكنە نایابانەی كە لە سنووری شارەوانییەكەمان ھەیە بیانفرۆشین و داھاتەكەی دەكرێتە پڕۆژە".

گوتیشی: "تائێستا چەندین پڕۆژەمان بە پارەی ئەو زەویانە جێبەجێكردووە، كە بەشێكیان پڕۆژەی قیكڕدنی شەقام و كۆڵانەكانی ھەولێرە".