جڤاتى نيشتمانى رێككهوتنى لهگهڵ پارتى پهسند كرد
K24 – سلێمانى:
كۆبوونهوهى "جڤاتى نيشتمانى" بزووتنهوهى گۆڕان كۆتاييهات و بڕيارى دا، بهشدارى كابينهى نۆيهمى حكومهتى ههرێم بكهن.
ئهمڕۆ "جڤاتى گشتيى" گۆڕان كۆبوويهوه و چهند راسپاردهيهكى ئاراستهى "جڤاتى نيشتمانى" بزووتنهوهكه كرد، بهو پێيهى بڕيارى كۆتايى بزووتنهوهى گۆڕان بۆ بهشدارى له حكومهت له لايهن "جڤاتى نيشتمانى"يهوه دهدرێت.
دواى ئهوهى پارتى و گۆڕان لهسهر چوار خاڵ رێككهوتبوون، ئهمشهو جڤاتى نيشتمانى بزووتنهوهكه ئهو رێككهوتنهى پهسند كرد و بهو پێيه سبهى گۆڕان بهشدارى له دانيشتنى پهرلهمانى كوردستان دهكات و ههروهها بهشدارى له كابينهى نوێى حكومهتى ههرێم دهكات.
رۆژى شەممە (16ى شوبات/ فێبرايهرى 2019)، پارتی دیموکراتی کوردستان و شاندنی دانوستانکاری بزوتنەوەی گۆڕان لە مەکۆی سەرەکی گۆڕان لە شاری سلێمانی كۆبوونهوه، بەپێی راگەیەندراوی کۆبونەوەکە: رێککەوتنى سیاسی نێوان پارتى و گۆڕان پەسەندکرا و هەردوولا لە سەر چوار خاڵ رێککەوتن:
1.رێککەوتنى سیاسی نێوان پارتى و بزووتنەوەى گۆڕان پەسەندکرا.
2.لە کۆبوونەوەکەى 18ى شوباتى پەرلەمانى کوردستاندا فراکسیۆنى پارتى و فراکسیۆنى گۆڕان بەشداردەبن.
3.لەسەر شێوازى پێکهێنانى حکومەت گەیشتونەتە قۆناغى کۆتایى و بەرەوپێشچونى بەخۆیەوە بینیوە.
4- پڕۆژەى رێککەوتن دەبرێتەوە بۆ سەرکردایەتی هەردوولا بۆ پەسەندکردنى.
له ناو بزووتنهوهى گۆڕاندا بڕيار بهم جۆره دهدرێت:
سیستمی رێکخراوەیی و بڕیاردان لە ناو بزوتنەوەی گۆڕان، بەپێی دەستوری ناوخۆیی بزوتنەوەکە دەستەجەمعیی و کۆدەنگییە و چەندین ئۆرگانی هەیە بۆ گەڵاڵەکردن و بڕیاردان لەسەر پرسە ناوخۆیی و نیشتیمانییەکان.
جڤاتی گشتی:
جڤاتی گشتی چەتری پشتیوانی سیاسیی و مەعنەویی، دامەزراوەیی راوێژكاریی بوارەكانی كاری سیاسیی، رێكخراوەیی، كارگێڕیی، دارایی و میدیایی بزوتنەوەی گۆڕانە.
ئەركەكانی جڤاتی گشتی:
یەكەم: هەڵسەنگاندنی پلانی گشتی جێبەجێكردنی بەرنامەی سیاسی.
دووەم: هەڵسەنگاندنی پەیوەندیيەكان لە سەر ئاستی كوردستانی، عێراقی فیدراڵ، ناوچەیی، جیهانی، لەگەڵ حزب و رێكخراوە سیاسییەكان.
سێیەم: ئامادەكاری بۆ هەڵبژاردنەكان.
جڤاتی نیشتیمانی:
* دامەزراوەی سەركردایەتی بوارەكانی كاری سیاسی، رێكخراوەیی، كارگێڕیی، دارایی و میدیایی بزوتنەوەی گۆڕانە.
* بەرزترین دەسەڵاتە لە نێوان دوو هەڵبژاردندا.
ئەركەكانی جڤاتی نیشتیمانی:
یەكەم: سەرپەرشتی كردنی هەموو دەزگا و دامەزراوەكانی گۆڕان.
دوەم: دانانی نەخشەڕێگا بۆ جێبەجێكردنی بەرنامە و سیاسەتی بزوتنەوەی گۆڕان.
سێیەم: رێكخستنی پەیوەندیيەكان لە سەر ئاستی كوردستانی، عێراقی، ناوچەیی، نێودەوڵەتی.
چوارەم: چاودێریی و هەڵسەنگاندنی ئەدائی فراكسیۆنەكانی گۆڕان و ئەدائی ئەندامەكانی.
پێنجەم: ئامادەكاریی بۆ هەڵبژاردنەكان.
شەشەم: ئامادەكاریی بۆ بەستنی كۆنفرانسی نیشتیمانی بزوتنەوەی گۆڕان.