وه‌زاره‌تی دارایی خشته‌یه‌كی نوێی دابه‌شكردنی مووچه‌ی بڵاوكرده‌وه‌

K24 - هه‌ولێر:

وه‌زاره‌تی دارایی و ئابووری حكوومه‌تی هه‌رێمی كوردستان، خشته‌یه‌كی نوێی دابه‌شكردنی مووچه‌ی بڵاوكرده‌وه‌ و به‌ گوێره‌ی خشته‌كه‌ش، له‌ رۆژی یه‌كشه‌ممه‌ رێككه‌وتی 13ی ئاب ده‌ست به‌ دابه‌شكردنه‌وه‌ی مووچه‌ ده‌كرێت و له‌ سه‌ره‌تاش مووچه‌ی ئه‌م شوێنانه‌ی خواره‌وه‌ دابه‌ش ده‌كرێت.

1- ڕۆژى یه‌ك شه‌ممه‌ به‌روارى 13/8/2017، مووچه‌ى مانگى 6 ى ساڵى 2017 ى دیوانى وه‌زاره‌تى پێشمه‌رگه‌ و لیواكان دابه‌ش ده‌كرێت.

2- ڕۆژانى دوو شه‌ممه‌ و سێ شه‌ممه‌ به‌روارى 14-15/8/2017، مووچه‌ى مانگى 6 ى ساڵى 2017 ى یه‌كه‌كانى (80 و 70) ى وه‌زاره‌تى پێشمه‌رگه‌ دابه‌ش ده‌كرێت.

3- ڕۆژانى چوار شه‌ممه‌ و پێنج شه‌ممه‌ به‌روارى 16-17/8/2017، مووچه‌ى مانگى 6ى ساڵى 2017 ى فه‌رمانده‌ى پێشمه‌رگه‌ى زێره‌ڤانى و فه‌رمانده‌ى پۆلیسى به‌رگرى و فریاكه‌وتن دابه‌ش ده‌كرێت.