ئاستی ئاوی بەنداوی باوە شاسوار بەرزبووەتەوە
K24- ههولێر:
بەهۆی ئەو شەپۆلە بارانەی هەرێمی کوردستانی گرتووەتەوە، ئاستی ئاوی بەنداوی باوە شاسوار لە قەزای کفری بەشێوەیەکی بەرچاو بەرزبووەتەوە.
غازی محەمەد تاڵب، بەڕێوەبەری بەنداوی باوە شاسوار بە کوردستان24ی راگەیاند: "بەهۆی ئەو شەپۆلە بارانەی ناوچەکەی گرتووەتەوە، لە کفری 23 ملم باران باریووە و ئەمەش وایکردووە بەنداوی باوە شاسوار یەک مەتر و 15 سانتیمەتر زیاد بکات".
لەبارەی مەترسییەکانی زیادبوونی ئاوی بەنداوەکە، غازی محەمەد رایگەیاند: "هیچ مەترسییەک بوونی نییە، بەڵکو ئەم زستانە وەکو دەرگای رەحمەت وایە".
ئەو بەڕێوەبەرە ئاماژە بەوەش دەدات، ئەو بڕە ئاوەی ئێستا لە بەنداوی باوە شاسوار هەیە، بەشی جووتیاران دەکات و ئەم هاوینە زەوییە کشتووکاڵییەکان بێ ئاو نابن.
H.J