چوار کەس لە سەیدسادق لە کاتی دزیکردن دەستگیرکران
K24 - سلێمانی
لە قەزای سەیدسادق چوار كەس دەستگیر كران كە ویستویانە دوكانی زێڕ زێڕینگەری دەستگیر كران. بەگوێرەی زانیارییەكان پۆلیس ئەو كەسانە توركیاوە ھاتوون و مەبەستیان بووە زێڕەكە ببەن لە بازاڕەكانی توركیا ساغی بكەنەوە.
بەگوێرەی راگەیەندراوێكی پۆلیسی سلێمانی "بەڕێوەبەرایەتی پۆلیسی پارێزگای سلێمانی زانیاری پێگەیشتووە لەبارەی چوار تۆمەتبارەوە كە لە وڵاتی توركیاوە هاتوونەتە هەرێمی كوردستان و بەنیازن لە قەزای سەید سادق چەند دوكانێكی ئاڵتون فرۆشی ببڕن".
ئاماژە بەوەشكراوە "دوای وەرگرتنی فەرمانی دادوەر و بە سەرپەرشتی راستەوخۆی بەڕێوەبەری پۆلیسی پارێزگای سلێمانی لێكۆڵینەوەكان دەستیپێكردوو دوای چاودێرییەكی ورد توانرا لەلایەن مەفرەزەكانی بنكەی پۆلیسی حەسار - بەشی پۆلیسی سەیدسادق لەكاتی ئەنجامدانی تاوانەكە هەر چوار تۆمەتبار دەستگیربكرێن".
پۆلیسی سلێمانی راشیگەیاند: "لەكاتی دەستگیركردنی تۆمەتباراندا دەستگیراوە بەسەر ئۆتۆمبێلێك و چەند ئامێرێكی كونكردنی دیوار و چەندین پارچە پۆشاك و پێڵاودا كە تۆمەتباران ویستویانە بۆ سەرلێشێواندنی تیمەكانی پۆلیس لەكاتی هەڵگرتنەوەی بەڵگەدا بەكاری بهێنن. هەروەها تۆمەتباران ویستویانە دوای ئەنجامدانی تاوانەكە راستەوخۆ بگەڕێنەوە بۆ وڵاتی توركیا و لەوێ ئاڵتونەكان ساغ بكەنەوە. ئێستا تۆمەتباران بە فەرمانی دادوەر راگیراون و لێكۆڵینەوە لەگەڵیان بەردەوامە".
ھ.م