عێراق: بەرهەمهێنان و هەناردەکردنی نەوت پەكی نەكەوتووە
K24 - ھەولێر
سامر غەزبان، وەزیری نەوتی عێراق رایگەیاند، پڕۆسەی بەرهەمهێنان و هەناردەکردنی نەوت بۆ بازاڕەکانی جیهان بەردەوامە.
هاوکات وەزیری نەوت ئاماژەی بەوەدا، وەزارەتی خاوەنی یەدەگێکی گەورەیە لە سەرجەم بەرهەمە جیاوازەکانی نەوت و بەردەوامن لە دابینکردنی سووتەمەنی بۆ وێستەگەکانی کارەبای عێراق.
غەزبان، لە لێدوانێکی رۆژنامەوانیدا رایگەیاند، پڕۆسەکانی بەرهەمهێنانی نەوت لە سەرجەم ناوچەکانی وڵات لە کێڵگە نەوتییەکان بەردەوامە، و سەرەڕای بڵاوبوونەوەی ڤایرۆسی کۆرۆناش کاریگەری نەکردووەتە سەر ئاستی بەرهەمهێنان.
هەروەها غەزبان دەڵێت، پڕۆسەی هەناردەکردنی نەوت بە گوێرەی نرخەکان بۆ بازاڕەکانی جیان بەردەوامە.