له قهرهههنجير هێزى پێشمهرگه بۆ ئهم مهبهسته جووڵێندرا
K24 – ههولێر:
وەزارەتی پێشمەرگەى حكومهتى ههرێمى كوردستان رايگهياند، هێزە عێراقیيەکان نایهنە سنووری هێزى پێشمهرگهوه و تەنيا لە سنووری خۆیان ئۆپەراسیۆن ئهنجامدهدهن.
هێزەکانی پێشمەرگە لەسنوری شارۆچکەی قەرەهەنجیر بەچەکی قورس و باجەڕەوە هاتوونەتە سەر جادەی کەرکوک - سلێمانی.
لهو بارهيهوه، لیوا قارەمان کەمال، جێگری سوپاسالاری وەزارەتی پێشمەرگە بەکوردستان24ی راگهياند، پۆلیسی فیدراڵی و هێزە عێراقیيەکان لە هەموو سنوورەکانی ژێر دەسەڵاتیان ئۆپەراسیۆنێکیان دەستپێکردووە دژی چەکدارانی داعش کە لە قۆڵی پۆلیسی فیدراڵی تا نزیک قەرەهەنجیر هێزەکانیان دێت، بەڵام نایەنە سنوورەکانی ئێمەوە و تەنيا لەسنووری خۆیانن.
گوتیشی: هەماهەنگی تەواومان هەیە و ئەمڕۆ لەسنووری ناحییەی شوان ئۆپەراسیۆنی هێزە عێراقيیەکان هەبووە.
هەروەها ئەفسەری هەماهەنگی هەیە لەنێوانمان و ئێمە ئاگاداری تەواو ئۆپەراسیۆنەکەیان و هەماهەنگیمان هەیە بەتایبەت لەو ناوچانەی هێڵی تەماسە.
لەبارەی ئەوەی ژمارهى هێزی پێشمەرگە زیاد کرابێت لە قەرەهەنجیر لیوا قارەمان گوتی: هێزەکانمان وەک خۆیانن، بەڵام بۆ ئاگاداری زیاتر چوینەتە سەر جادەکان و لەسنوورەکە بڵاوەمان بەپێشمەرگەکانمان کردووە بۆ بەرپەرچدانەوەی هەر ئەگەرێک.