مووچەی چەند وەزارەتێکی دیکە دابەش دەکرێت

K24 – هه‌ولێر:

سبەی دوو شەممە 15/10/2018، وەزارەتی دارایی و ئابووری حكوومەتی ھەرێمی كوردستان، مووچەی چەند وەزارەتێکی دیكە دابەش دەكات.

سەرچاوەیەك لە وەزارەتی دارایی و ئابووری بە كوردستان24 راگەیاند: "سبەی رۆژی دووشەممە 2018/10/15 مووچەی وەزارەتی کاروکاروباری کۆمەڵایەتی و کەم ئەندامان و وەزارەتی ئەوقاف دابەش دەکرێت".

رۆژی 6 ئەم مانگە وەزارەتی دارایی و ئابووری حكوومەتی ھەرێمی كوردستان، دەستی بە دابەشكردنی مووچەی مانگی تەمموزی 2018 كرد و تائێستا مووچەی ژمارەیەك وەزارەت دابەشكراوە، لە ھەفتەی داھاتووشدا مووچەی چەند وەزارەت و دامەزراوەی دیكە دابەش دەكرێت.

H.J