به‌ وێنه‌.. یانه‌ی زاخۆ له‌گه‌ڵ 3 یاریزانی پیشه‌گه‌ر له‌ گفتووگۆ دایه‌

یه‌كێكیان یاریزانێكی ئه‌مه‌ریكایه‌ كه‌ به‌ڕه‌سه‌ن كورده‌

یانه‌ی زاخۆ بۆ تێپه‌ڕاندنی ئه‌و دۆخه‌ خراپه‌ی كه‌ له‌ خولی نایابی عێراق تووشی بووه‌ ده‌ستی به‌ گفتووگۆكردن له‌گه‌ڵ 3 یاریزان پیشه‌گه‌ر كردووه‌.

ئه‌مڕۆ پێنجشه‌ممه‌، 18 جه‌نیوه‌ری 2018، یانه‌ی زاخۆ له‌سه‌ر پێگه‌ی فه‌رمی خۆی، ئاشكرای كردووه‌ كه‌ كارگێرانی یانه‌كه‌ی له‌گه‌ڵ 3 یاریزانی پیشه‌گه‌ر له‌گفتووگۆدان، كه‌ یه‌كێكیان ناوی (رۆماریۆگۆرگیس) كه‌ ته‌مه‌نی 23 ساڵه‌ و به‌ ڕه‌سه‌ن كورده‌ و له‌ هێڵی پێشه‌وه‌ یاری ده‌كات.

یاریزانی دووه‌م، به‌رگریكارێكی رۆمانییه‌ به‌ نێوی (ئالینا) و یاریزانی سێیه‌میش (ئه‌حمه‌د حوسنی) هێرشبه‌ری میسرییه‌.

یانه‌ی زاخۆ ئه‌م وه‌رزه‌ی له‌ كۆی 9 یاری ته‌نیا 4 خاڵی كۆكردۆته‌وه‌ و 4 یه‌كسانبوون و 5 شكستی هه‌یه‌ و له‌ خانه‌ی پێشكۆتایی ریزبه‌ندی خولی نایابی عێراق دێت.

رۆماریۆ گۆرگیس كه‌ به‌ڕه‌سه‌ن كورده‌ و له‌ ئه‌مریكا نیشته‌جێیه‌
رۆماریۆ گۆرگیس كه‌ به‌ڕه‌سه‌ن كورده‌ و له‌ ئه‌مریكا نیشته‌جێیه‌
ئه‌حمه‌د حوسنی كه‌ درێسی ژماره‌ (19)ـی هه‌ڵبژارده‌ی میسری پۆشیوه‌ و ئاهه‌نگی گۆڵكردن له‌گه‌ڵ هاوڕێیه‌كه‌ی ده‌گێرێا
ئه‌حمه‌د حوسنی كه‌ درێسی ژماره‌ (19)ـی هه‌ڵبژارده‌ی میسری پۆشیوه‌ و ئاهه‌نگی گۆڵكردن له‌گه‌ڵ هاوڕێیه‌كه‌ی ده‌گێرێا