ههڵوێستێكی نایابی دی رۆسی، حكوومهتی سویدی هێنایه دهنگ
دوای ئهوهی له یاریی گهڕانهوهی پاشكۆی پاڵاوتنهكانی ئهورووپا، هاندهرانی ئیتاڵیا بێ رێزیان به سروودی نیشتیمانی سوید كرد و فیكهیان له كاتی گوتنهوهی سروودهكه لێدا، بهڵام دی رۆسی به پیشاندانی ههڵوێستێكی جوان نیگهرانییهكانی سویدییهكانی ڕهواندهوه.
ئهمڕۆ پێنجشهممه، 16 نۆڤێمبهری 2017، پێگهی كۆرێرۆ دیللۆ سپۆرتی ئیتاڵیا دهقی سووپاسنامهكهی حكوومهت و فیدراسیۆنی تۆپی پێی سویدی بڵاو كردهوه كه ئاراستهی دی رۆسی كرا بوو.
دی رۆسی له دوای كۆتایی هاتنی یارییهكهی نێوان سوید و ئیتاڵیا، چووه ژووری جلگۆڕینی سوید و رایگهیاند به ناوی تهواوی گهلی ئیتاڵیا داوای لێبوردنتان لێ دهكهین.
ئهم ههڵوێستهی دی رۆسی له كاتێكدا بوو، كه ئیتاڵیا لهسهر دهستی سوید تووشی شكستێكی تراژیدیا و شۆكێكی گهوره بوو كه له گهیشتن بۆ مۆندیال بێهوا كرا.